In minimi primo flexu postrema reponit,
Quae sedes stat principium finisque secundi.
Tertius a summo rursum capit indicis ortum,
In summo finem distinguens auricularis,
Hic caput et finis quarti dinoscitur esse.
Indicis in medio quintus sumit caput artu,
Et medici finem modulaminis aptat in ungue,
Qui locus exortum sexti finemque tuetur.
Indicis hinc radix septeni perficit ortum,
Summus apex medii cuius postrema resumit,
Octavus hac sede caput finemque reponit.